Dajti Restaurant

Kompleksi hotelier Dajti , është hapur në qershor të vitit 2008, në fshatin Gërmovë të Vitisë, nga Mehmet (Nebih) Selmani nga Sadovina e Jerlive dhe është konsoliduar vazhdimisht, në përputhje të plotë me kërkesat e klientëve.

Tradita familjare në biznes, serioziteti dhe përkushtimi i pronarit dhe personelit, e ka bërë joshës dhe të njohur këtë vend, jo vetëm në komunën e Vitisë, por edhe më larg. Dajti tanimë ka bërë emër në botën e hotelerisë elite duke ndjekur trendet e fundit të këtij lloj biznesi. Te Dajti, në çdo kohë, do të gjeni kënaqësinë dhe do të përjetoni çaste të paharrueshme relaksi e pushimi. Ne shquhemi për mikëpritjen e ngrohtë të nikoqirit fantastik dhe stafit profesional, për shërbim të shpejtë dhe kulmimant, për kualitet të lartë dhe të garantuar të ushqimit, për menynë e pasur nga kuzhina kosovare dhe evropiane, si dhe për ambientin e rehatshëm.